Eddie's Radio-Show - BAP

Et woor en stinknormale naach

Noch woor nix jrooß passiert

Er hatt et radio ahnjemaht

Un dann nit hinjehührt

«En dämm dinge läuf

Dä janze daach däselve müll

Su joot wie nie kütt ir`ndjet

Wat mer wirklich hühre will»

Op eimohl daach`e: «wat ess dat

Dä kenn ich doch woher!?»

Ne spot für`n marjerien

Et konzentriere feel ihm schwer

Eins woor secher

Die stemm woor positiv besetz

Op eimohl hatte`t: da`s dä d. J

Dä`e johrelang vermess hätt

Rradio show, here is eddie`s radio-show"

Wie lang ess dat her un vüür allem wieso?

En singem kopp leefe

Zehnmillione minifilme aff

Dank dämm eddy hatte`t domohls

Durch su manche naach jeschaff

Vun ihm hatte mieh jeliehrt

Als op der universität

Er hätt ihm sulang zojehührt

Bess datte ir`ndwann saare däät

Er sooß do, wie en trance

Et radio hatte ussjedrieht

Un sing jedanke noh dä janze

Bands un sänger durchsieb

Die`e zum eezte mohl

Beim eddy bemerk

Dä klos em hals dä jing nit weg

Dä hätt sich eher noch verstärk

Wieso löht mer sich dat jefalle?

Wieso mähste dat bloß mit?

Jäje dä schrott, dä sich «format» nennt

Wieso wehrste dich sich bloß nit

All die umweltsünde

Die jetarnt sinn als musik

Seife oper fuzzies

Un container-freaks?